"14 fevralı qəbul etmirəm"
"Ölkə.Az" bildirir ki, o, müsahibəsində ətrafında gəzib dolaşan söz-söhbətlərə aydınlıq gətirib, klub konsertinə hazırlıqlarından danışıb, maraqlı açıqlamalar verib.
- Aygün xanım, “Sevgililər günü”ndə kimdən hədiyyə gözləyirsiniz?
- Şəxsən mən 14 fevralı “Sevgililər günü” kimi qəbul etmirəm. Etməyəcəyəm də. Bu haqda mən illər öncə də müsahibələrimdə söyləmişəm. Mənim üçün “Sevgililər günü” İlhamla Fərizənin toy günü, yəni iyulun 30-dur.
- Ötən ayın 26-da təmtəraqlı ad günü məclisinizi niyə mediadan qapalı şəkildə keçirmisiniz?
- Bunun özəl səbəbləri var. Gələn il hamısının acığını çıxacağam. Bu heç də elə-belə deyil.
- Gənc müğənni və duet ortağınız Rəsul Əfəndiyevlə sevgilisiniz?
- Biz sadəcə ad günümdə “Dola mənə qolunu” mahnısını duet şəklində ifa etdik. Bu da söz-söhbətləri daha da artırdı. Əhvalımız çox gözəldir. Duetimiz özəl olaraq yerli radiolarda, daha sonra Türkiyənin “Kral” radiosunda səsləndirildi. Belə gözəl yaradıcı xəbərlərimiz var.
- Baharın ilk günü martın 1-də keçiriləcək konsertinizə necə hazırlaşırsınız?
- Bu dəfə başqa formatda konsert edəcəyəm. Yeni mahnılarımla yanaşı tamaşaçılar üçün “DUY” albomumda yer alan mahnıları oxuyacağam. Albomum klub formatında olduğundan konsertim də klub variantında olacaq.
- Yeni klipləriniz nə zaman işıq üzü görəcək?
- “DUY” klipim yaxın ərəfələrdə Türkiyənin “NET muzik”ə yüklənəcək və orada yayımlanacaq. Bu həm DJ David Vendettanın, həm də komandamım qərarıdır. Amma mən bununla kifayətlənməyəcəyəm. “Toy boy” mahnısını da ekranlaşdıracağam.
Xalq artisti Aygün Kazımova ilə hazırladığımız geniş videoreportajı sizə təqdim edirik:
Ölkə.Az
