İradə İbrahimova: "Mən Türkiyəyə ailə qurmaq üçün getmişdim"

İradə İbrahimova"Mən Türkiyəyə ailə qurmaq üçün getmişdim".

Bir müddət öncə vətənə qayıdan müğənni bunları söyləyib: “Mən Türkiyəyə tanınmaq üçün getməmişdim, orda ailə həyatı qurmuşdum. Mənim sənətim burdadır, mən təkrardan sənətimə qayıtdım. Amma mənim ailəm ordadır. Artıq arıqlamamağa çalışıram. Kilomu qoruyub saxlamaq istəyirəm. Vətənimə qayıtmışam, vətənimin havasından uduram, bu yaxınlarda görəcəksiniz, şişəcəm. Xoşbəxtəm. Xoşbəxtliyimi bütün gənc qızlarımıza da arzu edirəm. Vətəndən uzaqda Azərbaycan dilimi unutmamaq üçün əlimdən gələni edirəm. Hesab edirəm ki, efirə çıxan aparıcı və sənətçilərin 90 faizindən daha yaxşı bilirəm ana dilimi. Bununla da fəxr edirəm. Birdəfəlik İstanbula köçə bilmərəm. Vətənimsiz qala bilmərəm”

Sənətçi onu özündən razı adlandıranlara da cavab verməkdən çəkinməyib: “Tanınmış insan olduğun üçün istər-istəməz sıxılırsan, utanırsan. Bilirsən ki, tanıyırlar, hərəkətlərinə daha çox fikir verirsən. O çəkinmək, sıxılmaq özündən razılıqdırsa, qürurla deyərəm ki, özümdən razıyam. Amma bu, elə deyil axı. Sadəcə insan özünü narahat hiss edir. İnsanlar bunu lovğalıq hesab edirlərsə, etsinlər”

Sevilən müğənni geyim zövqü ilə bağlı gələn tənqidləri də cavablandırıb: “Zövqlər müzakirə olunmur. Təkcə sənətdə deyil, ailə içində də fikir müxtəlifliyi ola bilər. Məsələn, mən bəyəndiyimi yoldaşım bəyənməyə bilər. Qızımın bəyəndiyini mən bəyənməyə bilərəm”.(Region TV)

Ölkə.az