Avstraliya ilk dəfə "Avroviziya"da iştirak edəcək

Ölkə.Az "Avroviziya"nın rəsmi saytına istinadən xəbər verir ki, Avstraliya ilk dəfə "Avroviziya" musiqi müsabiqəsində iştrak edəcək.

Müsabiqə Veyana şəhərində 2015 -ci ilin mayında keçiriləcək. Tədbirin təşkilatçısı kimi çıxış edən Avropa yayımlama ittifaqı tədbirin yubileyi münasibəti ilə yeni iştirakçı dəvət etməyə qərar verib. Bu il müsabiqə 60 -cı dəfə keçiriləcək.

Bələliklə, müsabiqədə qələbə üçün mübarizə aparan ölkələrin sayı 40-a çatıb. Gözlənilir ki, Avstraliya müğənniləri "Avroviziya"da yalnız bir dəfə iştirak edəcəklər.

Cənub qitəsi sakinlərinə çıxış edənlərə həm yarımfinallarda, həm də finalda səs verməyə icazə veriləcək.

2014 -cü ildə müsabiqəni tərk edən Kipr, Serbiya və Çexiya bu il Müsabiqədə iştiraklarını bərpa edəcəklər. 12 ölkə Vyana şəhərinə öz ifaçılarını göndərməkdən imtina edib. Onların arasında Ukrayna da var. Bu qərar ölkədə yaranan mürəkkəb ictimai-siyasi və iqtisadi vəziyyət nəzərə alınaraq qəbul edilib.

Çinarə Vahabzadə

Ölkə.az