"Elə böyük günahlarım olub ki, istəmirəm uşaqlarım bunu təkrarlasın"

"Kaş ki, 15 yaşımdan namaz qılaydım"

Tanınmış meyxanaçı Ağamirzə bu sözləri səsləndirib.

Meyxanaçı Rövşanə Ağasəfqızının "Həyatda hansı səhvlərinizə görə peşmanlıq hissi keçirirsiz?" sualını belə cavablandırıb:

"Vaxtilə mənim elə böyük günahlarım olub ki, istəmirəm uşaqlarım bunu təkrarlasın. Buna görə də öyüd-nəsihət verməliyəm uşaqlarıma. Həyatda çox səhvlərim olub. 40 yaşdan sonra buna son qoymuşam. Bacardığım qədər günah işlətməməyə çalışmışam. 50 yaşı haqlamışam, çox şükür ki, gec də olsa ağlım başıma gəlib. Heç vaxt spirtli içki içməmişəm. Amma digər günahlarım olub."

Ağamirzə 3 şeyi həyatının səhvi adlandırıb: "Ən çox namaza gec gəlməyimə, ali təhsil almamağıma və xarici dillər öyrənməməyimə heyfsilənirəm. Kaş ki, 15 yaşından namaza gələydim. Bunlar mənim həyatımın səhvləridir!"

Ölkə.Az