Əməkdar artist övladlığa uşaq götürmək istəyir

Əməkdar artist Elşən Cəbrayılov uşaq evindən körpə götürmək arzusundadır.

“Hər şey daxil” verilişinə qonaq olan Akademik Milli Dram Teatrının aktyoru deyib ki, onun hazırda 2 övladı olsa da, körpələr evindən övlad götürmək istəyir:

“Daim arzu etmişəm ki, çox uşağım olsun. Məni çoxuşaqlı ata kimi tanısınlar. Amma onları saxlamaq da var. Çox uşağı olub, pis böyütməkdənsə, 2-3 övladın olsun, onları şəxsiyyət kimi böyüt. Allaha min şükür ki, mənə övlad nəsib olub. Amma ən böyük arzum körpələr evindən bir övlad götürməkdir. Ona da sevgimi göstərim, bunun savabı daha böyükdür”.

Qeyd edək ki, E.Cəbrayılovun bir qızı və bir oğlu var.(Lent.az)

Ölkə.az