\"Atamın vəziyyəti ağırdır\"

ABŞ-ın Mayami şəhərində beyin əməliyyatı keçirən müğənni İbrahim Tatlısəsin oğlu Əhməd atasının menecerinin sənətçinin səhhəti ilə bağlı “Vəziyyəti yaxşıdır” açıqlamasına əsəbləşib. 

 Ə.Tatlısəs İnstaqramda atasının hələ də reanimasiyada olduğunu yazıb: 

“Bunu yazıb-yazmamaq haqda çox düşündüm. Amma mənim də səbrimin həddi var. Atam reanimasiyada ola-ola çıxıb “çox şükür, əməliyyat uğurlu keçdi” açıqlamasını vermək gülüncdür. Vəziyyəti hələ də ağırdır. Bu cür media xəbərlərinə qadağa qoyuram. Hamı həddini bilsin. “İbrahim Tatlısəs” adı üzərindən özünüzü reklam etməyi yığışdırın. Biz nələr çəkirik, siz nə haydasınız?! Heç nə və heç kim atamdan dəyərli deyil. Dualar edin!”. 

Qeyd edək ki, 2011-ci ildə silahlı hücuma məruz qalan və başından vurulan sənətçi uzun müalicə prosesindən sonra sağlamlığına qovuşsa da, qırılan kəllə sümüyünün parçalarından biri risk daşıdığı üçün çıxarılmamışdı. İ.Tatlısəs həmin sümüyün çıxarılması üçün fevralın əvvəlində Amerikaya yola düşmüşdü./axsam.az/

Ölkə.az