Bu “uşaqlar” dünyanı xilas edəcək
Komiks sevənlər gələn ay öz qəhrəmanlarını canlı izləyə biləcək.
Rejissor Coss Uidonun aprel ayında vizyona çıxan “Qisasçılar: Altron erası” filmi “Marvel Comics” nəşrinin eyni adlı komiksləri əsasında çəkilib.
Bu “Marvel”in kinomotoqraf aləmində “Dəmir adam”, “İnanılmaz Holk”, “Dəmir adam 2”, “Tor”, “Birinci qisasçı”, “Qisasçılar”, “Dəmir adam 3”, “Tor2: qaranlıqlar səltənəti”, “İlk qisasçı: yad münaqişə” və “Qalaktika qoruyucuları”ndan sonra on birinci filmdir. Tamaşaçılar filmə 3D və IMAX 3D formatında baxa biləcəklər. Filmin daha 2 davamı isə “Qisasçılar: əbədiyyət müharibəsi 1-ci hissə” və “Əbədiyyət müharibəsi 2-ci hissə” 2018 və 2019-cu illərdə təqdim ediləcək.
Kinoda baş rollarda kiçik Robert Dauni, Kris Evans, Mark Rufalloo, Kris Xemsvort, Semuel L.Cekson, Pol Bettani, Son Çidl və Ceym Speyder oynayırlar.
Bu dəfə "qisasçılar" bəşəriyyəti Altrondan xilas etməyə çalışacaqlar.
Ölkə.Az
