Mətn ölçüsü:
  • 100%

“Elnur 15-ci yeri də tutsa, “uf” deməyəcəm”

Xalq artisti Flora Kərimova Azərbaycanı bu il “Eurovision”da “Hour of the wolf” mahnısı ilə təmsil edəcək Elnur Hüseynovdan danışıb.

Açıqlamasında xalq artisti bildirib ki, Elnur Hüseynov müsabiqə üçün uğurlu seçimdir:

“Çox uğurlu seçimdir. Tutduğu yerdən asılı olmayaraq Elnurun səsi, varlığı mənə əzizdir. Biz hər şeydə təklənmişik. Səs yığımı ilə qalib olmaq sənətçi üçün prestijdir. Tutduğu yer onun sənətinin göstəricisi deyil. Hər kəs istəyir ki, onun ölkəsinin nümayəndəsi qalib gəlsin. Bizim ölkə olaraq Elnura səs vermək imkanımız yoxdur. Çalışmalıyıq ki, xaricdə yaşayan yaxınlarımız ona səs versin. Elnur Türkiyədə qazandığı uğurdan sonra onu hansısa yaddaşa salmağa ehtiyac yoxdur. Allah eləməsin ki, uduzsun. 15-ci yeri də tutsa, mənə təsir etməyəcək, “uf” deməyəcəm. Elnurun səs imkanlarını, potensialını bilirəm. Diapozonunu düzgün istifadə etməkdə ustadır. Elnur tək Azərbaycan üçün yox, dünya üçün də fövqəladə səsdir. Arxasında duran, kömək edən olsa, o, özünü dünyada tanıdacaq”.qafqazinfo

Ölkə.Az