Gənc müğənni yayın hitini təqdim etdi

Elvin Babazadədən növbəti hit mahnı.

Ölkə.Az xəbər verir ki, gənc ifaçı Elvin Babazadə yaxın günlərdə "Hayde na moreto" adlı mahnısını təqdim edib. Məşhur bolqar müğənnisi Azisin eyniadlı mahnısını azərbaycan dilində oxuyan Elvin bu mahnının yayın əsas hiti olacağını düşünür. Qeyd edək ki, bundan əvvəl də gənc müğənni Azisin repertuarına müraciət edib.

Elvin Babazadə daha çox hit mahnıların ifaçı və müəllifi kimi tanınır. O, eyni zamanda, 2012 və 2013 Avroviziya Milli seçim turlarının iştirakçısı, 2005-ci ildə UNESCO tərəfindən istedadlı uşaqlar üçün keçirilən müsabiqədə fəxri diplomun sahibi və eyni ildə Türkiyədə keçirilən “Novruz” festivalının mükafatçısıdır. Elvin Babazadə İsrail və Dağıstanda konsert proqramlarında çıxış edib. 2013, 2014, 2015-ci illərdə o, Dağıstanın "İlin ən yaxşı müğənnisi" və digər mükafatlara layiq görülüb.

Gənc müğənninin yeni mahnısını sizə təqdim edirik:

Rəşid Mustafazadə

Ölkə.Az