Elza Seyidcahan: \"Kayahanın çox böyük ürəyi var idi\"

"Onun vəfatı mənim üçün gözlənilməz oldu"

"Kayahan təkcə əvəzsiz müğənni deyildi, həm də gözəl bəstəkar idi. Onun çox böyük ürəyi var idi. Bunu sözlərə izah etmək çox çətindir.

Bu sözləri Ölkə.az-a danışan bəstəkar Elza Seyidcahan deyib.

"Mən hər türk müğənnisinin konsertinə gedən deyiləm, amma Kayahan Bakıda olanda mən səbrsizliklə onun konsertinə üz tutdum.

Onun vəfatı mənim üçün gözlənilməz oldu. Özü getsə də, gözəl müsiqiləri, möhtəşəm mahnıları qaldı. Türk dünyasına bir xəzinə qoyub getdi Kayahan.

Əgər Türkiyədə olsaydım mütləq onunla vidalaşmağa gedərdim".

Qeyd edək ki, Türkiyənin məşhur sənətçisi Kayahan Açar bu gün vəfat edib.

Xatırladaq ki, sənətçi uzun müddət idi ki, xərçəng xəstəliyindən əziyyət çəkirdi.

Ölkə.az