Əməkdar artistdən maraqlı etiraflar: "İngilis dili müəllimimlə ailə qurmuşam..."

Akademik Milli Dram Teatrının tanınmış aktyoru, əməkdar artist Elşən Cəbrayılov qonağı olduğu "Düzünü desək" verilişində şəxsi həyatı barədə maraqlı açıqlamalar edib.

Ölkə.az xəbər verir ki, aktyor hazırlıq kursunda ingilis dili müəlliminə aşiq olduğunu dilə gətirib:

“İngilis dili müəllimimi ilk baxışdan bəyənmişdim. Bir dəfə də mən dedi ki, dərsi oxumasan, gəlmə. Ürək sözlərimi yazıb kitabın arasına qoymuşdum. Kitabı qoyub, otaqdan çıxdım. Ondan sonra iki ay depressiya yaşadım. Anamı göndərdim, valideyni ilə danışdı və biz evləndik".

Qeyd edək ki, 38 yaşlı aktyor beş il öncə ailə həyatı qurub və iki övlad atasıdır.

İntiqam Valehoğlu
Ölkə.az