Vüsalə Şahvəliqızı: "Doqquz aydır təkəm"

Teleaparıcı Vüsalə Şahvəliqızı şəxsi həyatı barədə danışıb. O, Ölkə.Az-ın əməkdaşı ilə söhbətində çətin günlər yaşadığını, amma tədricən özünə gəldiyini etiraf edib:

"Şəxsi həyatımda çətin günlər yaşadım, sanki "qara zolağ"a düşmüşdüm. İndi tədricən özümə gəlirəm, pozitivliyə köklənməyə, işlərimi yoluna qoymağa çalışıram. Şükür ki, indi yenə də gülə bilirəm. Amma etiraf edim ki, əvvəlki Vüsalə üçün darıxıram".

V.Şahvəliqızı qeyd edib ki, doqquz aydır şəxsi həyatında heç kim yoxdur:

"Şəxsi həyatımda heç kim yoxdur, doqquz aydır sevgilimdən ayrılmışam. İndi yalnızlığa daha çox ehtiyacım var. Amma ətrafımda dostlarım, rəfiqələrim çoxdur. Hər insanı şəxsi həyata buraxmaq olmaz. Mən bu mövzuda bir az həssasam. Tam səmimi deyirəm ki, həyatımda heç kimin olmasını istəmirəm. Hələ ki ehtiyat edirəm".

Teleaparıcı sonda aktrisa fəaliyyətindən də danışıb:
""Eks bacanaqlar" serialında Natəvan obrazını canlandırıram. Buna görə imicimi dəyişmişəm. Daha doğrusu, dəyişdiriblər".

İntiqam VALEHOĞLU
Ölkə.az