Xoşqədəm Hidayətqızı: \"Döyüş alnımıza yazılıb\"

Jurnalist Xoşqədəm Hidayətqızı ANS Şirkətlər Qrupunun prezidenti Vahid Mustafayev və vitse-prezident Mirşahin Ağayevlə görüşüb. Ölkə.Az xəbər verir ki, o, bu barədə sosial şəbəkədəki hesabında yazıb:

"Dostlar, mən əvvəl işlədiyim kanaldan ayrılarkən kim "Səni axtarıram"ı seçdisə, onlar da gəldi. Bu gün əsas komandamla Vahid Mustafayevin və Mirşahin Ağayevin yanında olduq. Möhtəşəm bir görüş oldu. ANS həqiqətən bir məktəbdi. Biz ANS-dən kənarda olsaq da, demə elə o məktəbi keçirmişik. Qısası, döyüş alnımıza yazılıb. Yeni iş yerimizə getdik, ANS-in gözəl komandasıyla görüşdük. Vəssalam, qismətimizə bu yazılıbmış. Xeyirli, uğurlu olsun! Allah hamının yolunu açısın. biz də onların içində".

Qeyd edək ki, Xoşqədəm Hidayətqızı beş ilə yaxın ATV-də "Səni axtarıram" verilişinin aparıcısı olub və dünən keçirdiyi mətbuat konfransında iş yerini dəyişdiyini açıqlayıb.

İntiqam VALEHOĞLU
Ölkə.Az