“Səni axtarıram” haqda yeni sənəd ortaya çıxdı

“Səni axtarıram” verilişi ilə bağlı yeni sənəd otralığa çıxıb.

Azad Azərbaycan telekanalı “Səni axtarıram”ın bu şirkətə aid olmasıyla bağlı sənədin surətini Ölkə.az-a göndərib. Sənəddə qeyd olunur ki, verilişin müstəsna hüquq sahibləri “Azad Azərbaycan” Müstəqil Teleradio Kompaniyası və Xoşqədəm Baxşəliyevadır. Eyni zamanda baş operator Emil Əliyarlı, quruluşçu rəssam Elxan Novruzov və baş rejissor Tahir Xəlfəquliyev də layihə üzərində şəxsi hüquq sahibləridir:

“Bu şəxslər hazırda ATV-də çalışırlar. Həm də diqqətlə baxsanız, ATV-yə verilən lisenziya daha öncə alınıb. N-7722-nömrəli şəhadətnamə bizdədir, N-7723 nömrəli şəhadətnamə Xoşqədəm Hidayətqızında”. Qeyd edək ki, Xoşqədəm Hidayətqızının yeni iş yeri ANS telekanalıdır. Sözügedən sənədin fotolarını təqdim edirik.

İntiqam VALEHOĞLU

Olke.Az