Aygün Səmədzadə tamaşaçılara hesabat verəcək

Tanınmış bəstəkar, əməkdar incəsənət xadimi Aygün Səmədzadənin yaradıcılıq gecəsi keçiriləcək.

Bu barədə Ölkə.Az-a bəstəkarın özü açıqlama verib. Onun sözlərinə görə, tədbir sentyabrın sonuna nəzərdə tutulur:

"Bu, həm də mənim yaradıcılıq hesabatımdır. Hələlik adını dəqiq müəyyənləşdirməmişik." Bəstəkar konsertdə işitrak edəcək sənətçilərin kimliyinə də aydınlıq gətirib: "Yaradıcılıq gecəmdə məşqlərdə müntəzəm iştirak edən və canlı oxuya bilənlərdən ibarət müğənni heyəti iştirak edəcək".

Qeyd edək ki, Aygün Səmədzadə son illər Azərbaycan bəstəkarlıq məktəbinin ən tanınmış nümayəndələrindən hesab olunur. Bəstəkar "Tut ağacım", "Məktəb illəri", "Bu dünyanı nağıl bilək", "Bakinskiy roman". "Bakı haqqında nağıl", "Yağış" kimi onlarla hit mahnıların müəllifidir.

İntiqam VALEHOĞLU

Ölkə.Az