Tanınmış müğənnimizin canlı yayımda "oğlu" üzə çıxdı

Ötən gün "Lider" telekanalında rejissor Zaur Qurbanovun layihə rəhbəri olduğu "Mən gəlirəm" verilişi ilk dəfə tamaşaçıların görüşünə gəlib. Ölkə.Az xəbər verir ki, əsas qonağı müğənni Niyam Salami olan proqrama onun həmkarları Səidə Sultan və Yaşar Cəlilov da qatılıblar. Aparıcı Könük Yusifqızı verillşin formatı barədə məlumat verib:

"Verilişin bir əsas qonağı olur. Digər iki nəfər isə əsas qonağımızın yaxın dostlarıdır. Püşkə əsasən həmin dostlardan hərəsi bir bölgənin təmsilçisinə çevrilirlər. Məsələn, bu gün Yaşar Lənkərandan, Səidə isə Şəkidən səs istəyəcək. Hansı tərəfin qazandığı SMS-lər çox olsa, həmin bölgədə əsas qonağımızla qalib gələn sənətçinin konsertini təşkil edəcəyik".

Verilişin yaddaqalan məqamlarından biri Səidə Sultanın Niyam Salami baradə səsləndirdiyi fikirlər olub: "Niyama görə ölümə də gedərəm. Çünki onun ürəyindən xəbərim var".

Niyam Salaminin canlı yayımda "mən bura oğlumla gəlmişəm" deməsi böyük təəccübə səbəb olub. Hətta aparıcı Könül Yusifqızı da subay olan sənətçinin "oğlum var" deməsinə təəccübünü gizlədə bilməyib. Ancaq sonra aydınlaşıb ki, Salaminin "oğlum" dediyi onun iti imiş:

"Bir neçə heyvanım var, ev zooparka dönüb".

Verilişin sonunda SMS səsvermənin nəticələri açıqlanıb. Nəticələrə əsasən Səidə və Yaşar Cəlilov hərəyə əlli faiz səs toplayıblar. Konsertin hansı rayonda təşkil olunacağıyla bağlı qərarı təşkilatçılar verəcək.

Qeyd edək ki, "Mən gəlirəm" verilişinin informasiya dəstəkçisi Ölkə.Az saytıdır.

İntiqam VALEHOĞLU

Ölkə.Az