Keçmiş məşhurlar: Biri kababçıdır, biri dərman satır, biri bağça müdiri...

Onlar bir zaman yetərincə məşhur idilər. Biri kinoaktyor kimi, digəri maneken, başqa biri aktrisa qismində minlərlə tamaşaçının sevgisini qazanmışdılar. Ancaq hazırda hər hamısı keçmiş "sevimliləri"ndən uzaq düşüb. Beləliklə, Ölkə.Az Türkiyə mətbuatına istinadən keçmiş sənət adamlarının hazırki fəaliyyətiylə bağlı araşdırmanı təqdim edir.

Neşe Erberk Türkiyə tarixinin ən gözəl qadınlarından hesab olunur. Bir müddət maneken kimi fəaliyyət göstərən bu xanım sonradan tamamilə fərqli sahəyə keçməyi qərara aldı. O, hazırda bir özəl bağçaya rəhbərlik edir

"Yeşilçam"ın dönəminin ən məşhur aktyorlarından sayılan Gökhan Güney də onu tanıdan sahəyə "xəyanət" edənlərdəndir. Kinodan ayrılandan sonra müxtəlif sahələrdə özünü sınayan aktyor hazırda İstanbulda kababxana işlədir.

"Vitamin" də məşhur qrupları sırasındaydı. Sonradan qrup dağıldı və hətta üzvlərindən biri Gökhan Semiz gənc yaşlarında avtomobil qəzası nəticəsində həyatını itirdi.

Türkiyənin məşhur müğənnisi Seda Sayanın qardaşı Sedat Gürsaçar bəlkə də indi bacısı qədər tanınmış ola bilərdi. Hətta müəyyən dönəmlərdə ölkəsində xeyli populyar idi. Ancaq Sedat bir müddət sonra bu sahədən uzaqlaşdı. Keçmiş sənətçi hazırda Bursada tibbi ləvazimatlar istehsal edən bir müəssisəyə rəhbərlik edir.

Türk kinosunun Arzu Okay adlı bir ulduzu da vardı. Amma qəfil kameralar önündən itdi. Hazırda bu xanım Fransada dəri ticarəti ilə məşğuldur.

Keçmiş maneken və aktrisa Ayşe Tolga da hazırda bu sahədə deyil. Amma onun indi nə işlə məşğul olduğu məlum deyil. Təkcə məlum olan odur ki, Ayşe Tolga bu sahədən getdiyini açıqlayıb.

Yasemin Kumral da musiqi dünyasının ulduzları sırasındaydı. O musiqidən tamamilə uzaqlaşmasa da, hazırda həyat yoldaşı ilə bir özəl kollecin qurucusudur.

İntiqam VALEHOĞLU
Ölkə.Az