Elariz: "Oğluma iki dəfə elçi gəliblər"

“İndi qızlar oğlanlara elçi gəlir. Oğluma iki dəfə elçi düşüblər”.

Bu sözləri müğənni Elariz Məmmədoğlu “Gün üzü” verilişində qonaq olarkən deyib. O, bildirib ki, oğlunu evləndirmək istəmir: “Hazırda oğlumun 22 yaşı var. Ali məktəbdə oxuyur. Ona demişəm ki, başqa millətdən qız sevə bilərsən, amma onunla evlənə bilməzsən. Bizim nəsil təmiz nəsildir, başqa millət qatmaq olmaz. Oğluma ailəmizə layiq, halal süd əmmiş qız alacam. İndi qızlar oğlanlara elçi gəlir. Oğluma iki dəfə elçi düşüblər. Bir dəfə gəldilər ki, yaxşı qızımız var, oğlun alsın. Qızın 25 yaşı vardı. Dedim ki, oğlumun 22 yaşı var, evlənmək vaxtı deyil”.

Qeyd edək ki, E.Məmmədoğlunun 2 qızı, bir oğlu var. Hər iki qızı ailəlidir.(lent.az)

Ölkə.Az