Mehman Əhmədli: "O, yaşca məndən böyük yeganə tələbəmdir"

Ülvira Qarayevanın aparıcısı olduğu "Evdəyik" verilişində qonaq olan meyxanaçılar həmkarları Mehman Əhmədlidən danışıblar.

Oqtay Kamil deyib ki, M.Əhmədlinin tələbəsidir. Mehman Əhmədli isə hətta yaşca ondan böyük tələbələrinin olduğunu söyləyib:

"Elşən Xəzər yaşca məndən böyük olan yeganə tələbəmdir. Aqşin Fateh və Oqtay Kamil də məndən bəhrələniblər. Oqtayı 1995-ci ildən tanıyıram. Kiməsə meyxana öyrətmək olmaz. Gərək özünün istedadı olsun ki, ustad onu məşq etdirsin".

Verilişin qonağı olan digər tanınmış meyxanaçı Ələkbər Yasamallı da etiraf edib ki, Mehman Əhmədlidən bəhrələnib:

"Bir dəfə efirdə demişdim ki, Nizami Rəmzinin tələbəsiyəm. Amma etiraf edim ki, ustad kimi ondan heç nə öyrənməmişəm. Mehmandan görüb götürdüklərim daha çoxdur".

İntiqam VALEHOĞLU
Ölkə.Az