Elçin Əlibəyli "Space"dən qovuldu?

"Kişi sözü"nün ardınca “Oturduğumuz yerdə” verilişinin də Space telekanalında yayımı dayandırıldı.

Layihələrin rəhbəri olan Elçin Əlibəyli ilə televiziyanın prezidenti Vaqif Mustafayev arasında narazılığın yaranması sadalanan səbəblər sırasındadır.

Ölkə.Az "Milli.az"a istinadən xəbər verir ki, televiyadan əldə edilən məlumata görə, Elçin Əlibəylinin rəhbəri olduğu prodakşının hazırladığı verilişlər bundan sonra Space-də efirə getməyəcək.
Buna səbəb isə müəllifin tamahkarlığı olub.

İddia edilir ki, məsələnin kökündə maliyyə dayanır.

Vurğulanır ki, Space-də efir alan sözügedən verilişlərə dəvət müqabilində müəyyən vəsait alınırmış ki, bu da tərəflər arasında narazılığın yaranmasına səbəb olub.

Nəticədə Vaqif Mustafayev Əlibəyliyə verilən efir vaxtının alınması ilə bağlı tapşırıq verib.

Məsələni dəqiqləşdirmək üçün Elçin Əlibəyli ilə əlaqə saxladıq. Teleaparıcı haqqında çıxan xəbərlərin yalan olduğunu, səhhətində yaranan problemlər səbəbindən əməliyyat olunduğunu, bu səbəbdən də bir müddət fasilə vermək məcburiyyətində qaldığını bildirdi. Bundan başqa, aparıcı Space kanalı ilə əməkdaşlıqlarının hələ də davam etdiyini də sözlərinə əlavə etdi.

Ölkə.Az