Canlı yayımda Quba-Gəncə qarşıdurması

Dünən "Lider" televiziyasında yayımlanan "Mən gəlirəm" verilişində maraqlı anlar yaşanıb.

Ölkə.az xəbər verir ki, Könül Yusifqızının aparıcısı olduğu verilişin bu dəfəki əsas qonağı "Faytonçu" Nazim olub. Onun qonaqları qismində isə muğam ifaçısı Teyyub Aslanov və Fədayə Laçın iştirak ediblər. Püşkə əsasən Fədayə Laçın Gəncədən, Teyyub Aslanov isə Qubadan səs istəməli olub.

Veriliş ərzində SMS nəticələr bir neçə dəfə dəyişsə də, sonda Quba Gəncəni üstələyib. Beləliklə, növbəti həftə "Faytonçu" Nazimlə Fədayə Laçın Qubada tamaşaçılar önünə çıxacaqlar.

Qeyd edək ki, layihə rəhbəri Zaur Qurbanov olan "Mən gəlirəm"in informasiya dəstəkçisi Ölkə.Az saytıdır.

İntiqam VALEHOĞLU
Ölkə.az