Aygün Kazımovanın qızı:"Biz onunla otel liftində görüşdük"

Gənc müğənni İlqarə Kazımova Batırxan Şukenovun xatirəsinə həsr olunmuş layihə təqdim edəcək.

Sənətçi Ölkə.Az-a açıqlamasında bildirib ki, o, “A Studio” qrupunun ötən gün dünyasını dəyişmiş 52 yaşlı solisti Batırxan Şukenovun ölümü ona çox pis təsir edib: “Mən hər zaman “A Stduio” qrupunun pərəstişkarı olmuşam. Bu qrupa sevgim qrupun rəhbəri Batırxan Şukenovun istedadının sayəsində yaranıb. Bu cür dahi musiqiçinin hazırda aramızda olmamasına inanmaq çox çətindir. Onun yaradıcılığı tam bir musiqi epoxasıdır. Belə insanlar dünyadan köçəndə anlayırsan ki, insan üçün əsas can sağlıdır. Amma onun mahnıları, səsi və musiqisi əbədi yaşayacaq. Xoşbəxtlikdən xaricdə istirahət edərkən o cür dahi musiqiçi ilə tanışlıq mənə qismət olub. Biz onunla otel liftində görüşdük və bir neçə dəqiqə ünsiyyət mənə kifayət etdi ki, onun nə qədər işıqlı insan olduğunu dərk edim. Daha sonra mən onun canlı konsertini də izlədim. Onun səsində və musiqilərində ürək var. Bu çox vacibdir. Mən onun repertuarından bir mahnını ifa edəcəyəm. Həmin mahnını özüməməxsus şəkildə, onu gördüyüm, hiss etdiyim kimi ifa edəcəyəm. Artıq aranjiman işləri gedir. Bəlkə də, həmin mahnıya klip də çəkdirdim”.

Qeyd edək ki, İlqarə Kazımova xalq artisti Aygün Kazımovanın qızıdır.

İntiqam VALEHOĞLU

Ölkə.Az