Manaf Nadiri Cavanşirin \"əlindən aldı\"

Əməkdar artist Cavanşir Məmmədovla, tanınmış müğənni Nadir Qafarzadə barışıblar.

Bu barədə Ölkə.Az-a N.Qafarzadə açıqlama verib. O, bildirib ki, barışıq digər tanınmış sənətçi Manaf Ağayevin təşəbbüsüylə baş tutub:

"Təşəbbüs Manaf Ağayevdən gəldi. Razi Şükürov da ağsaqqal kimi həmin məclisdə iştirak edirdi. Mən, Cavanşir Məmmədov, Manaf Ağayev və Razi Şükürov restoranların birində oturub söhbətləşdik, danışdıq. Hətta kövrək məqamlar da oldu. Bilirsiniz, mən çox kövrək insanam. Cavanşir müəllim məndən yaşca böyükdü. O nəysə deyəndə, elə bilirəm ki, atam mənə nəysə deyir".

Qeyd edək ki, Cavanşir Məmmədov Nadir Qafarzadəni ikinci dəfə məhkəməyə vermişdi. Mətbuatın yazdığına görə, əməkdar artist Qafarzadədən təzminat olaraq 70 min manat tələb edirdi.

Nadir Qafarzadənin geniş müsahibəsini sabah saytımızdan oxuya bilərsiniz.

İntiqam VALEHOĞLU
Ölkə.Az