Özcan Deniz Beren Saata elçi düşdü

Uzun müddətdir kameralardan uzaq düşən tanınmış türkiyəli aktrisa Beren Saat yenidən sevimli peşəsiylə məşğul ola bilər.

Ölkə.Az Türkiyə mətbuatına istinadən xəbər verir ki, bunun üçün onun məşhur müğənni, aktyor və rejissor Özcan Dənizin təklifini qəbul etməsi lazımdır. Belə ki, Ö.Deniz Beren saata iki milyon lirə qarşılığında yeni filmində rol almağı təklif edib.
Deyilənə görə, Beren Saat razılaşmayacağı təqdirdə Hazal Kaya da sözügedən ekran işində rol ala bilər. Maraqlıdır ki, Deniz hətta Hazal Kayanın da "yox" deməsini nəzərə alıb. Belə ki, ilk iki aktrisa imtina edərsə, filmdə onunla "Su ve ateş" filmindəki tərəf müqabili Yasemin Allen çəkiləcək.

İntiqam VALEHOĞLU

Ölkə.Az