\"Maşın\"dan gedən ilk iştirakçı o oldu
Murad Dadaşovun “Maşın” realiti-şou layihəsini tərk edən ilk iştirakçı bəlli olub.
Ölkə.Az xəbər verir ki, "Daha bir nağıl" devizi ilə baş tutan realiti şounun ilk günündə müğənni Niyam Səlami 68.97 faiz səs toplasa da, yarışmanı özü tərk edib. Sənətçi bunu heç kimə dəymək istəməməsi ilə əlaqələndirib.
Xatırladaq ki, 18 məşhurun qatıldığı şouda xalq artisti Aygün Kazımova, əməkdar artistlər Abbas Bağırov, Mehriban Xanlarova, müğənnilər Kərim Abbasov, Rüfət Axundov, Elçin Hüseynov, Emil Bədəlov, ABD Malik Kələntərli, Günel Ələkbərova, Rəhim Rəhimli, Xatirə İslam, Samir Cavadzadə, Roza Zərgərli, aktyor Allahverdi Yolçuyev, Aşıq Əli, meyxanaçı Rəşad Dağlı, stilist Anar Ağakişiyev də iştirakçılar siyahısındadırlar.
İntiqam VALEHOĞLU
Ölkə.Az