Məşhurlar şampundan imtina edir

İngiltərəli gözəllik mütəxəssisi Lusi Aytken Rid iki ildir şampundan istifadə etmədən saçlara yeni qulluq üsulu tətbiq edib

“No-poo” adı verilən saç təmizləmə üsulunu tətbiq edən Lusi saçını su və təbii yollarla təmizləyir.

Lusi kimyəvi maddələrdən uzaq tutduğu saçlarının əvvəlkindən daha dolğun və parlaq olduğunu bildirib.

Bu üsuldan təkcə Lusi istifadə etmir. Son zamanlar insanlar arasında bu üsul daha geniş yayılmağa başlayıb.

“Telegraph” qəzetinə müsahibə verən Lusi: “Ana olduqdan sonra özüm və ailəm üçün istifadə etdiyim məhsullara diqqət etməyə başladım”.

“No-poo” metodu xüsusilə ABŞ və Avropa ölkələrində yayılmağa başlayıb. Şampun əvəzinə su, karbonatlı su və alma sirkəsindən, yumşaltmaq üçün isə təbii yağlardan istifadə edirlər. 

Qeyd edək ki, məşhur müğənni  Adele də “no-poo” üsulundan istifadə edir. Həmçinin Bred Pit limon, sirkə və suyu qarışdıraraq öz üsulu ilə saçlarını təmizləyir.

Ölkə.Az