Xanım sənətçimiz türk məşhurla eyni layihədə

Hazırda Türkiyədə yaşayan azərbaycanlı müğənni Ləman Əlizadə qardaş ölkənin sayılıb seçilən sənətçilərindən olan Ümit Sayının "Benim neyim eskik" adlı mahnısını ifa edib.

Bu barədə Ölkə.Az-a sənətçinin özü açıqlama verib. L.Əlizadə bildirib ki, o, hazırda Sipan Baburun "Sekiz müzik" adlı prodakşnı ilə çalışır: "Mahnının müəllifi Ümit Sayındır, aranjiman isə Sertac Ekize məxsusdur". Qeyd edək ki, sənətçi yaxın günlərdə sözügedən mahnıya klip çəkdirəcək. Xatırladaq ki, Ləman Əlizadə uzun illər İspaniyada yaşayıb, model kimi fəaliyyət göstərib. Həmçinin Azərbaycanda keçirilən gözəllik müsabiqəsinin qalibi olub.

İntiqam VALEHOĞLU

Ölkə.Az