Bu kadrlara görə qardaşı Telliylə dalaşacaqmış

ANS-də yayımlanan "A dan Z yə" verilişində aşıq Telliylə bağlı anonsu təqdim edilib ancaq özü efirə verilməyən sujetin aqibətinə aydınlıq gətirilib.

Ölkə.Az-ın məlumatına görə, süjet Tellinin istəyi ilə efirə getməyib. Belə ki, o, verilişin prodüserinə zəng vuraraq həmin kadrların yayımlanmasına etirazını bildirib.

Xatırladaq ki, sözügedən kadrlarda aşıq Telli anası haqda danışaraq ağlamışdı. Həmçinin onu sevən şəxslə bağlı özəl sirlərini dilə gətirmişdi. Layihənin əməkdaşlarından birinin dediklərindən:

"Çəkiliş oldu, anons yığıldı, sosial şəbəkədə yayımlandı. Dərhal Telli bizə zəng vurdu ki, o süjeti yayımlamayın. Dedi ki. qardaşım sevgilimi görsə, böyük qalmaqal yaranar".

Xatırladaq ki. Zaur Nəbioğlunu aparıcısı olduğu telelayihənin rejissoru Aynurə Səmədovadır. Veriliş "Maşın" şounun yayımı ilə əlaqədar bu şənbə 16:55-də efirə gedəcək. Verilişin budəfəki qonağı xalq artisti Brilliant Dadaşovadır.

İntiqam VALEHOĞLU
Ölkə.Az