Vidadi Bərdəlinin qızı oğurluq edibmiş

Gənc müğənni Aytac Vidadiqızının son təqdim etdiyi “Sevirəm” adlı mahnısının ətrafında qalmaqal yaşanıb.Müğənnini mahnı oğurluğunda ittiham ediblər. A.Vidadiqızı isə Ölkə.Az-a açıqlamasında bunlaı deyib:

"Deməmişəm ki, mahnının musiqisi mənə aiddir. İfa etdiyim “Sevirəm” adlı mahnının sözlərinin müəllifiyəm. Düzdür, mahnının xarici bəstə olduğunu da deməmişəm. Sadəcə ifa edib tamaşaçıların ixtiyarına buraxdım. Mahnıya o qədər vurulmuşdum ki, onu özəlləşdirmək istədim. İfamda da necə ürəkdən, hansı hisslərlə ifa etdiyim açıq-aydın hiss olunur. Nə gizlədim, mahnının müəllifi Hakim adı ilə məşhur olan Mərakeş və İspaniya müğənnisi Abdelhakim Bouromanedir. Mahnıda olan pop musiqinin flamenko və ərəb ritmləri ilə sintezi mənə tamam ayrı həzz yaşatdı”. Aytac mahnının təqdim edərkən bu məqamı gizlətməsinə də aydınlıq gətirib: “Mahnı o qədər gözəldir ki, istəmədim ifama qulaq asan dinləyicinin fikri ayrı yerə yönəlsin. İstədim sırf məni, yaşadığım hissləri yaşaya bilsinlər. Bu səbəbdən mahnının musiqisinin müəllifini açıqlamadım”. Xatırladaq ki, Aytac Vidadiqızı mərhum müğənni Vidadi Bərdəlinin qızıdır. Ölkə.Az hər iki müğənninin ifasında olan eyni mahnını təqdim edir.

İntiqam VALEHOĞLU

Ölkə.Az