Aşıq Ədalətdən Rəqsanə və Xoşqədəmin efirdəki ürəkgetməsinə

Müğənni Rəqsanə İsmayılova ilə teleaparıcı Xoşqədəm Hidayətqızının eyni gündə ayrı-ayrı telekanalların efirində halının pisləşməsi sosial şəbəkələrdə müzakirə mövzusudur. Əksəriyyətin kinayə ilə yanaşdığı məsələyə ustad sənətkar Aşıq Ədalət də fikrini bildirib.

Sənətkar Ölkə.Az-a açıqlamasında belə məsələlərə münasibətinin yaxşı olmadığını dilə gətirib:

"Neçə illərdir çəkilişlərdə oluram, amma belə şey görməmişdim. İndi hər şey dəyişib".

Ustad fikrini özünəməxsus şəkildə şeirlə davam etdirib:

"Məcbur eləyirsən xətrinə dəyim,
Sillləni çevirim, ağzını əyim.
Həsən deyir, sakit olur ürəyim
Eninlə uzununa çalanda, arvad.

Mən elə verilişlərə getmirəm. Xoşuma gəlməyəndə də baxmıram, kimdir ona axıra qədər baxan? Aparıcıların əziyyətini çox çəkmişəm, onlar da mənim əziyyətimi çəkiblər. Əksəriyyətini də bəyənirəm. Amma nə edirlər etsinlər, efirdə ürəkləri getməsin. Belə şeylərə ehtiyac yoxdur. Adam yanan odun üstünə su tökər, efirdə göstərməz".

Qeyd edək ki. Rəqsanə "Öz aramızda" verilişində, Xoşqədəm Hidayətqızı isə aparıcısı olduğu "Sən tək deyilsən"də özünü pis hiss etmişdi.

İntiqam VALEHOĞLU

Ölkə.Az