“Eurovision-2015” mahnı müsabiqəsinin açılış mərasimi keçirildi
Elnur Hüseynov müsabiqədə mayın 21-də çıxış edəcək.
Avstriyanın paytaxtı Vyanada “Eurovision-2015” mahnı müsabiqəsinin açılış mərasimi keçirilib.
Ölkə.Az müsabiqənin rəsmi saytına istinadən xəbər verir ki, Rathaus meydanında təşkil olunan mərasim “Eurovision-2014”-ün qalibi Avstriya nümayəndəsi Konçita Vurst tərəfindən açıq elan edilib. Sonra müsabiqəyə qatılacaq ölkələrin nümayəndələri qırmızı xalça üzərinə çıxıb.
Müsabiqədə 40 ölkə iştirak edir: Azərbaycan, Danimarka, Hollandiya, Litva, İrlandiya, İsrail, Gürcüstan, Ermənistan, Estoniya, İtaliya, Polşa, İngiltərə, Almaniya, Finlandiya, Avstraliya, İsveçrə, Avstriya, Sloveniya, İspaniya, İsveç, Çex Respublikası, Fransa, Macarıstan, Belarus, Malta, Makedoniya, Rusiya, İslandiya, Yunanıstan, Belçika, Albaniya, Portuqaliya, Çernoqoriya, Norveç, Serbiya, Kipr, San Marino, Latviya, Moldova və Rumıniya.
Xatırladırıq ki, Avstriya “Eurovision” mahnı müsabiqəsinə 1967-ci ildən sonra ikinci dəfə ev sahibliyi edir.
“Eurovision-2015” mahnı müsabiqəsinin birinci yarım finalı mayın 19-da, ikinci yarım final mayın 21-də, final isə mayın 23-də olacaq.
Təmsilçimiz Elnur Hüseynov müsabiqədə mayın 21-də 11-ci nömrə altında "Hour of the Wolf” mahnısı ilə çıxış edəcək.
Ölkə.Az