Nazilə Səfərlinin Xoşqədəm Hidayətqızının şikayəti ilə saxlanıldığı deyilir - YENİLƏNİB

Şairə Nazilə Səfərli ilə tanınmış jurnalist Xoşqədəm Hidayətqızı arasında davam edən qalmaqala son qoyulduğu bildirilir.

"Ölkə.az" bakupost.az-a istinadən xəbər verir ki, X.Hidayətqızının şikayəti əsasında Nizami rayon Polis İdarəsi tərəfindən axtarışda olan N.Səfərli bu gün saxlanılıb.

N.Səfərli məhkəmə qərarına uyğun olaraq 500 manat məbləğində cərimə olunduğu və bununla da onun üzərindən axtarış tədbirlərinin götürüldüyü söylənilir.

***

Ölkə.Az xəbər verir ki, Nazilə Səfərli yayılan məlumatları təkzib edib. O, sosia media hesabında bağdan video paylaşaraq bölmədə olmadığını göstərib.

"Əzizlərim mənə yazıb narahat olur. Bağımdayam, təbiətin qoynundayam, heç bir məntəqədə deyiləm. Elə bir şey olarsa, sizinlə paylaşaram", - deyə o bildirib.

***

Hüquq-mühafizə orqanlarından “Qafqazinfo”ya bildirilib ki, bu gün Nazilə Səfərli Nizami Rayon Polis İdarəsinə dəvət edilib. Məhkəmə tərəfindən təyin edilən cərimənin ödənilməsi onun diqqətinə çatdırılıb. Nazilə Səfərli hüquqi öhdəliyi yerinə yetirərək barəsində təyin edilən cərimə məbləğini ödəyib. Hazırda onun barəsində heç bir axtarış yoxdur.