Aleyna Tilki yanğında ölən Şahinin adını yaşadacaq
Müğənni Aleyna Tilki konsertindən əldə edəcəyi gəliri meşə yanğınlarında yanğınsöndürənlərə yardımçı olarkən həyatını itirən Şahin Akdemirin xatirəsini əbədiləşdirmək üçün xərcləyəcək.
"Ölkə.az" türk mediasına istinadən xəbər verir ki, müğənni konsertdən qazanacağı gəlirlə Marmarisdə könüllü olaraq yanğınsöndürmə əməliyyatlarına qatılan 25 yaşlı Şahinin adına meşə salacaq.
Müğənni İnstaqram paylaşımında sabahkı konsertindən əldə ediləcək gəliri yanğını söndürməyə cəlb olunan komandaya su və ayran daşıyarkən dönüş yolunda qəza keçirərək alovlar arasında həyatını itirən 25 yaşlı Şahin Akdemirin adına "Xatirə Meşəsi" qurmaq üçün bağışlayacağını bildirib.
Qeyd edək ki, Türkiyədə günlərdir davam edən yanğınlar nəticəsində 2-si yanğınsöndürən olmaqla 5 nəfər həyatını itirib.
