Beyaz-Candan dueli yenidən başladı

Beyazıt Öztürk sezon finalında Candan Erçetinə yenidən video-çarx həsr edib.

Bir müddət əvvəl məşhurların bir-birləri üçün çəkdikləri cavab video-roliklər sosial şəbəkələrdə böyük marağa səbəb olmuşdu.

“You tube” kanalında 4 milyondan çox izlənən sözügedən çarxların “Beyaz şou”da məşhurların birgə çıxışından sonra bitdiyi deyilmişdi. Ancaq məşhur yumorist verilişinin sezon finalında yenə müğənniyə söz atıb. Belə ki, yeni çarx hazırlayan Beyazıt artıq sezon finalına çıxdığı üçün Candanın ona cavab verə bilməyəcəyini deyib.

Qeyd edək ki, Beyazıt Öztürk verilişində hər zaman müğənnilərin mahnılarını fərqli sözlərlə səsləndirir. Candan Erçetinin “Git” klipinə hazırladığı rolikə isə, müğənni də cavab videosu hazırlamışdı. Tamaşaçıların maraqla izlədiyi bu cavab video-çarxları gözəl bir “duel” kimi yadda qalıb.qafqazinfo

Ölkə.Az