Mətn ölçüsü:
  • 100%

Bülənt Ərsoya çətir tutan zabit işdən qovuldu

Türkiyəli məşhur müğənni Bülent Ersoy çərşənbə axşamı konsert üçün Ankaraya gedib və Türkiyə Cümhuriyyətinin qurucusu Mustafa Kamal Atatürkün məzarını ziyarət edib. 

Ölkə.az Türkiyə mətbuatına istinadla xəbər verir ki, Anıtkabirə əlil arabası ilə gələn Bülent Ərsoyla birlikdə yağışın altında çətiri olan uniformalı əsgər də olub. 

Sözügedən videonun sosial şəbəkələrdə paylaşılmasından sonra Türkiyə Milli Müdafiə Nazirliyi araşdırma başladıb.

Araşdırmalardan sonra 2 zabit işdən azad edilib:
“Haqqında istintaq başlanan Anıtkabir Komandiri və komanda Komandiri vəzifəsindən azad edilib"-məlumatda bildirilib.

Görüntülərlə bağlı danışan B.Ərsoy isə söyləyib ki, onun belə bir xahişi olmayıb

“Sadəcə və sadəcə ataya dua etdim. Kimsə mənə çətir versin, stul versin demədim. Arabanı da özüm aparmışam. Çətir tutulmasına gərək yox idi. Sayğı duruşunda papağımı çıxardım. Mənim elə bir tələbim olmayıb. Onsuz da başımda papaq var idi. Papağı çıxaranda yanımda və ya arxamda vəzifəli şəxs yox idi. Buna mənim nə kimi bir aidiyyətim ola bilər? İstəməsəm də, görməsəm də, çətir tutublar. Nə olacaq, burada nə var ki?”, - deyə o söyləyib.

Billurə