"Müğənni öz ölkəsinin çimərliyinə gedə bilmir"

"Bu fotoşəkli necə təqdim edəcəkləri də bilinmir"

"Adını demək istəmirəm"

"Geyimlərimə irad bildirən özü zövqlü biridirsə..."

Xalq artisti Faiq Ağayev "Region TV"də yayımlanan "Şou məkan" verilişinə eksklüziv açıqlamalar verib.

Xalq artisti yayın bu istisində çimərliyə gedə bilməməkdən şikayətlənib: "Müğənni öz ölkəsinin çimərliyinə gedə bilmir, çünki paparatzilər var ətrafda. Heç paparatziyə də ehtiyac yoxdur, hərə öz telefunun götürüb çəkir şəklimi. Bu şəkli necə təqdim edəcəklər, o da bilinmir".

Sevilən sənətçi fərqli geyimləri haqda da danışıb: "Gündəlik geyimlərimi özüm seçirəm. Səhnə geyimlərim üçün mütəxəssislərə müraciət edirəm. Səhnə geyimlərimi Azərbaycanın ən məşhur modelyerləri hazırlayır. Öz zövqüm də var, harada nə geyinəcəyimə özüm qərar verirəm. Əgər geyimlərimə irad bildirən özü zövqlü biridirsə, ona da qulaq verərəm".

Tanınmış ifaçı bu ilki uğurları və yeni yaradıcılıq işləri barədə bunları söyləyib: "Bu il mənim üçün uğurlu oldu. "Sərxoş oldum" adlı mahnım çox sevildi. Yeni bir mahnı da gəlir, adını demək istəmirəm, ritmik mahnıdır. Çox maraqlı olacaq. Başqa bir sürprizim də var. Qədim bir mahnını ifa edəcəyəm. O mahnı daha da maraqla qarşılanacaq".

Ölkə.Az