Belindəki yazı boşanmaya səbəb oldu

Türkiyənin gənc və istedadlı aktrisalarından biri olan Pelin Sönməz həyat yoldaşı, iş adamı Cengiz Çolak ilə yollarını ayırıb. 

2,5 ay bundan öncə Los-Ancelesdə ailə həyatı quran cütlüyün ayrılmasına səbəb Pelinin kürəyindəki döyməsi olub. 

C.Çolak ilə aralarında yaranan soyuqluq barədə jurnalistlərin verdiyi suallara aktrisa maraqlı açıqlama verib: 

"Bilirsiniz ki, may ayında qısa vaxt ərzində evləndik. Hər şey sürətlə baş verdi. Belimdəki yazını sildirmək istəmədiyimə görə münasibətlərimiz gərginləşdi və hər ikimizin razılığı ilə boşanırıq". 

Xatırladaq ki, evlilikdən öncə məşhur pop ifaçı Murat Dalkılıç ilə sevgili olan Pelin onun adını kürəyinə yazdırmışdı. Həyat yoldaşının bunu qəbul etməməsi normal olsa da görünür ki, aktrisa keçmiş sevgilisini hələ də unuda bilməyib, məhz bu səbəbdən onun adını sildirməkdən imtina edib. 

Olke.az