"Keçən il bu vaxt çox bərbad vəziyyətdəydim"
"Əvvəlki çəkimə qayıtmaq istəmirəm"
"Burnum özümdən qabaqda qalırmış"
Müğənni Lalə Məmmədova "Region TV"də yayımlanan "Şou məkan" verilişinə eksklüziv açıqlamalar verib.
Müğənni hazırkı çəkisindən razı olduğunu bildirib: "Əvvəlki çəkimə qayıtmaq istəmirəm. Köhnə fotolara baxıram, necə arıq olmuşam, burnum özümdən qabaqda qalırmış. Ana olandan sonra kökəldim. Keçən il bu vaxt çox bərbad vəziyyətdəydim, amma gülürdüm öz halıma. Mənim üçün övladım hər şeydən önəmlidir. 37 yaşım var".
Sevilən ifaçı övladları ilə bağlı danışıb: "Qızımda müğənnilik istedadı yoxdur, daha çox rəssamlığa meyli var. O, hələ özünü axtarır".
Sənətçi yeni yaradıcılıq işləri barədə də məlumat verib: "Yeni mahnılarım radiolardadır. Çalışıram, 1 dəqiqə də dayanmıram. Studiyada mahnılar yığılıb qalıb, gərək onları da oxuyum".
Ölkə.Az
