Mətn ölçüsü:
  • 100%

Mikayıl Fərdaya cavab verdi: "Ona zəng etdim..."

"Sevimli şou" verilişinin aparıcısı Mikayıl Güləddinoğlu aktyor-yumorist Fərda Xudaverdiyevə cavab verib.

Güləddinoğlu Ölkə.az-a açıqlamasında bildirib ki, Xudaverdiyevin sosial şəbəkədə onun verilişi ilə bağlı paylaşdığı statusun səbəbini öyrənmk üçün aktyora zəng vurub:

"Hələ nə Fərda, nə də mən tanınmadığımız dövrdən ünsiyyətimiz var, münasibətimiz əladır. Əla da olub. Bir dilim çörəyi iki yerə bölən adamlar olmuşuq. Fərdaya yazdığı statusa görə zəng elədim. Dedi ki, mənim səninlə heç bir şəxsi-qərəzim yoxdu, verilişin haqda heç bir söz deyə bilmərəm. Sadəcə, oxuyan haqda demdişəm ki, bu nə oxuyur".

M.Güləddinoğlu əməkdaşımızın "həmin müğənnini bir daha verilişinizə dəvət edəcəksinizmi" sualına belə cavab verib:

"O ifaçının ləhcəsi belədir. Həmin gün zalda 318 tamaşaçı əyləşib, müğənnilər də olub. O qədər insanın qulağından qaç bilməzdi. Kimsə verilişimə sataşsa, dərhal cavab verərdim. Amma bu ləhcədir. Yəni sənətçinin ifasının qüsurudur. Əgər bilərəkdən etsəydi, başa düşərdik. bu, səkkiz ay öncə olmuş şeydir".

Qeyd edək ki, Fərda Xudaverdiyev "Sevimli şou"dan video paylaşaraq bunları yazmışdı:

"Çox-çox üzr istəyirəm, əgər bu şoudursa, bəs onda mən neyniyirəm? Baş aça bilmirəm. Çox güldüm, bu efirdə nə gəzir, siz deyin. Diqqətlə qulaq asın babat gülün".
Sosial şəbəkə istifadəçiləri isə müğənninin söyüş söydüyünü iddia edirlər. Videonu təqdim edirik, özünüz qərar verin.

İntiqam VALEHOĞLU
Ölkə.az