Lalə Azərtaş tənqidlərə belə cavab verdi

Aparıcı Lalə Azərtaş “Təsir dairəsi” verilişində səsləndirdiyi fikirlərin tənqidlə qarşılanmasına reaksiya verib.

Ölkə.Az xəbər verir ki, o, işlətdiyi ifadəni yanlış anlayanlara işarə edərək belə deyib: “Elçi gedən zaman el dilində deyirlər e, “gözünüz su içdimi?”. Sonra bunu yazmayın, göz su içmir, məcazi mənadadır”.

Aparıcı həmçinin onu müzakirə mövzusuna çıxaranlara xitabən çıxışının davamında bu sözləri söyləyib:

“Mən həmişə üzügülər Lalə, kim deyir ki, problem yaşamıram? Görürsünüzmü, istəyənim qədər, bəlkə də ondan da çox istəməyənim var. Amma həmişə qaməti dik dururam və üzümdən təbəssümümü əskik etmirəm. Zərifcə gülümsəyirəm, bilirsinizmi niyə? Çünki bilirəm ki, yaxşı insanlar, yaxşıya dəyər verənlər var. Bax o insanlar qarşısında baş əyir, "Allah razı olsun" deyirəm”.

Qeyd edək ki, aparıcı proqramda “Ailələrin dağılmasının qəti əleyhinəyik. Qadınsan, ailən varsa, kişinin corabını da, ayağını da yuyacaqsan, hələ nənə-babalarımız demiş, ayağının kirini, suyunu da içəcəksən” deməsi ilə müzakirə mövzusuna çevrilmişdi.