Lalə Azərtaşdan Qarabağın alınması videosu ilə bağlı

Ötən gün sosial şəbəkədə yayılan Qarabağın geri qaytarılması ilə bağlı video böyük səs-küyə səbəb olub.

Çarxda ATV-nin aparıcısı Lalə Azərtaş iştirakı ilə çəkilmiş filmdən epizodu şərh edərkən bildirib:

“Hamı ekranlara yaxın əyləşsin. Qarabağımız, Laçınımız, Şuşamız və bununla yanaşı 7 rayonumuz geri qaytarıldı. Uzun illərdir müharibə şəraitində olan Qarabağımız axır ki, geri qayıtdı”.

Sosil şəbəkədə sürətlə yayılan və hər kəsin sevincinə, eyni zamanda da təəccübünə səbəb olan görüntülərin həqiqətə uyğun olmadığı ortaya çıxıb. 

L.Azərtaş məsələ ilə bağlı açıqlama verib:

“Məsələyə aydınlıq gətirməyimi istəmisiniz... 26 həftə əvvəl status paylaşmışdım. Qarabağın geri alındığını elan etdiyim filmə çəkildim. Sadəcə, rol olmasına baxmayaraq, xəbəri göz yaşları içində oxudum. Allah tez bir zamanda bu sevinci mənə, bütün Azərbaycana yaşatsın. İnşallah, bir gün qələbə xəbərini oxumaq mənə nəsib olar”.axsam.az

Ölkə.Az