Nazənin: \"Kiminsə əri ilə tutulmamışam\"

Müğənni Nazənin həmkarı Təranə Qumrala məhkəmədə qalib gəlməsi barədə danışıb.

Sənətçi Ölkə.az-a açıqlamasında bildirib ki, qarşı tərəfin apellyasiya şikayəti verməsini istəyir:

"Çox istərdim ki, o, apellyasiya şikayəti versin. Apellyasiya Məhkəməsində də ondan təzminat alacağam. Çünki çox şeylər var, o iddiaları qaldırmamışam. Həmin iddialar da qalxacaq. Sadəcə, açıqlamaq istəmirəm. Açıqlasam, bu, o deməkdir ki, silahımı yerə qoyuram. Bilirdim ki, apellyasiya şikayəti verəcək. Orada da ondan təzminat alacağam. Elə bilməsin ki, bununla iş bitir. Mən nə qorxacaq, nə də utanacaq bir iş görməmişəm".

Sənətçi bildirib ki, hazırda Antalyada istirahətdədir və məhkəmədə qalib gəlməsinəsevinmir:

"Utanası da, xəcalət çəkəsi də odur. Onun qorxacaq yeri var. Allahdan başqa heç kimdən qorxmuram. Şükür ki, kiminsə əri ilə tutulmamışam. Hazırda Antalyada istirahətdəyəm. Bu barədə bir daha danışmaq istəmirəm. Qalib gəlməyimə baxmayaraq, bu barədə danışıb əhvalımı korlamayacam. Heç sevinmirəm də. Guya böyük iş görmüşəm? Bu, belə olmamalı idi. Birinci dəfə əri, ikinci dəfə özü-özünü biabır elədi. Elə bildi ki, çıxıb saat yarım məni təhqir edəcək, şər-böhtan atacaq və insanlar inanacaq, Nazənin də qorxacaq. Elə bildi ki, mənə şər atmaqla seviləcək. Amma bu, belə deyil. Dövlətimizin qanunları var. Heç kəs efirdən artıq-əskik danışmasın. Mənə milyon kəlmə dedi, saatyarım arxamca danışdı. Mən isə bircə kəlmə dedim, onu da sübut etdim"

Xatırladaq ki, iki sənətçi arasında "Bazar səhəri" verilişində qalmaqal yaranmışdı.

İntiqam VALEHOĞLU
Ölkə.az