Əməkdar artist: "Mənim iddiam tanınmaq deyil"

Əməkdar artist Sevda Ələkbərzadə özünə ulduz deyən həmkarlarına səslənib.

Axşam.az-ın məlumatına görə, "ATV Maqazin"ə açıqlama verən müğənni onu pulun, var-dövlətin yox, sənətin maraqlandırdığını deyib:

"Mənim üçün insanın sənəti, ifası, xasiyyəti onun çiynindəki ulduzlardır. Pulla alınan məşhurluq adidir. Bunu hər kəs edə bilər. Heç vaxt insana məşhurluğuna görə dəyər verməmişəm. Həmişə demişəm ki, oxumağı, musiqini sevirəm. Vacib deyil ki, məşhur olum, küçədə hamı üstümə qaçsın. İddialarım bunlar deyil. Mənim iddiam musiqimizi dünyada tanıtmaqdır. Stinq, Prins kimi dünyaşöhrətli musiqiçilərlə eyni səhnəni paylaşmışam. Tanınıram, insanların mənə münasibəti yaxşıdır. Küçədə elə gəzirəm ki, məni tanımasınlar: başıma papaq, gözümə eynək taxıram".

Ölkə.az