Tolik Aygünlə yollarını ayırdı

Xalq artisti Aygün Kazımova ilə iş birliyində olduğu prodüser Tarix Əliyev yollarını ayırıb. 

Bu haqda Tarix Əliyev sosial şəbəkədə məlumat yayıb. 

Prodüser xalq artistinin dostuna dost, düşməninə olduğunu bildirib:

"Bir ilə yaxın zamandır iş birliyimiz olan Aygün Kazımovadan ayrılmaq qərarı aldım. Bizim işlərimiz uğurlu olub, hər zaman bəzi prodüserlərdən seçilmişəm. Çünki müğənniyə pula görə yox, sənətinə dəyər vermişəm. Hər zaman Aygün Kazımovanın dostuna dost, düşməninə düşmən olmuşam. Baxmayaraq ki, o düşmənlər mənə heç nə etməyib. Amma mən Aygün xanıma görə, hamıyla mübarizə aparmışam. Mənim də sevmədiyim insanlar var. Məndə belədir, ya mən, ya onlar. Seçim isə insanın özünə qalır. Hər kəsə uğurlar”. 

Tarix Əliyev onun bir üzü olduğunu vurğulayıb:

“Mən 13 ildir beləyəm. Əkizlər bürcü olmağıma baxmayaraq, bir üzüm var. Eltonla iş birliyimiz davam edir. Bu günlərdə yeni ad yanına gəlsə, təəccüblənməyin. Axı mən təlabatlı prodüserəm". (qafqazinfo)

Ölkə.Az