27 yaşında dünyasını dəyişən "kokain şahzadəsi"

Ginnesin Rekordlar Kitabına düşən müğənni Emi Uaynhausun (Amy Jade Winehouse) ölümündən 4 il ötür.

Güclü kontralto səsi və əsasən R&B, soul və caz ifa edən britaniyalı müğənni və mahnıların müəllifi 1983-cü ilin sentyabrın 14-də Londonda anadan olub. 

On yaşında rəfiqəsi ilə rep qrupu yaradıb, 12 yaşında teatr məktəbinə daxil olub. On dörd yaşında davranışına görə oradan qovulub, ilk mahnısını yazıb və ilk dəfə narkotikin dadına baxıb.

Sonra caz qruplarında oxuyub, turnelərə çıxıb və 24 yaşında çoxdankı dostu Bleyk Filder-Sivillə ərə gedib. Amma ailə də onu xoşbəxt edə bilməyib.

Qərb mətbuatının "kokain şahzadəsi" adlandırdığı Emi Uaynhaus 2008-ci ildə xəstəxanaya düşüb və ona ciyər emfizeması diaqnozu qoyulub. 2009-cu ildə Emi öz rəqqasəsini döyməsilə göndəmə gəlib. 2010-cu ilin dekabrında isə uşaq teatrının inzibatçısı ilə dalaşdığına görə ona iki il şərti cəza və cərimə kəsilib.

Emi iki dəfə "Ivor Novello" mükafatına layiq görülüb. İlk albomu Frank (2003) "Mercury Prize" qazanıb. 2007-ci ildə ən yaxşı britaniyalı müğənni seçilib. 

Tənqidçilər onu 2000-ci illərin aparıcı ifaçılardan biri kimi tanımışdılar. Səsi "old school" ifaçıları Ella Fitscerald, Dina Vaşinqton və Sara Voqanın səsinə bənzəyirdi.
 
2006-cı ildə çıxan "Back to Black" albomu 5 Qremmi mükafatına layiq görülüb. Ona görə də Ginnesin Rekordlar Kitabına 5 dəfə Qremmi mükafatı alan birinci britaniyalı kimi düşüb. 

2007-ci ildə "Ən yaxşı britaniyalı qadın ifaçı" kimi "Brit Awards mükafatı almış" Uaynhauz 2011-ci ilin iyulun 23-də alkol zəhərlənməsindən ölüb.

27 yaşında dünyasını dəyişən Emi haqda bu yaxınlarda film də çəkilib.axşam.az