Podiuma şir və canavarbaşlı libaslarda çıxdılar, tənqid olundular - FOTO/VİDEO

Parisdə “Schiaparelli” brendinin yeni kolleksiyasının təqdimatı baş tutub.  

“Ölkə.az” qafqazinfo-ya istinadən xəbər verir ki, gecədə İrina Şeyk, Şalom Harlou, Naomi Kempbell və digər modellər tamaşaçıların qarşısına brendin müxtəlif libaslarında çıxıblar.

Modellərlə yanaşı təqdimatda milyarder, iş xanımı Kayli Cenner də iştirak edib. O, gecəyə şirbaşlı libasda qatılıb.

Yeni kolleksiyanın geyimlərindəki şir və canavar başları birmənalı qarşılanmayıb. İzləyicilər bunu heyvanlara qarşı şiddət, zorakılığın təbliği kimi qəbul ediblər. Tədbirdən görüntülərə “bərbaddır”, “kolleksiya daha yaxşı ola bilərdi, kreativ heç nə görmürən”, “şərhsiz”, “bu nəyə lazımdır” və s. şərhlər yazılıb.  

Brendin kreativ direktoru Deniel Rozberri bildirib ki, kolleksiyanın yaradılmasında Dante Aligyerinin “İlahi komediya”sından ilhamlanıb.