\"Ancaq nəfəsi gedib-gəlir ”- Dostu meyxanaçı Kərimin səhhətindən danışdı

“Meyxanaçı Kərimin səhhəti yaxşılığa doğru getmir”.

Bu sözləri Ölkə.Az-a açıqlamasında Ağakərim adı ilə tanınan meyxanaçı Kərim Novruzovun sənət dostu Ağamirzə deyib. O bildirib ki, K.Novruzovun səhhətində irəliləyiş yoxdur:

“Çətinliklə danışır. Düzdür, vəziyyətinin stabil qalması üçün müalicə olunur, amma buna müalicə demək olmaz. Həkim deyir ki, vəziyyəti indiki kimi qalsa böyük şeydir. Nə otura, nə dura bilir, çətinliklə danışır. İrəliləyişdən söhbət gedə bilməz. Bir aydan sonra düzələcək deyə bir şey yoxdur. Ancaq nəfəsi gedib-gəlir”,- deyə o söyləyib.

Qeyd edək ki, bir müddət diabetdən əziyyət çəkən meyxanaçı, 2017-ci ilin martında və 2021-ci ilin dekabrında insult keçirib. O, uzun müddətdir yataq şəraitində müalicə alır.

Billurə Yunus