"Biber"in meyiti tapıldı

Boyfrendi ilə ayrılıqdan sonra yoxa çıxa bilərdi

Ölkə.Az "TMZ" informasiya portalına istinadən xəbər verir ki, San-Fernando vadisində motellərdən birində məşhur müğənni Castin Biberə bənzəməyə çalışan Tobias Ştrebelin meyiti tapılıb.

O, bir neçə gün öncə yoxa çıxmışdı. 35 yaşlı kişi 21 yaşlı kumirinə oxşamaq üçün plastik əməliyyatlara 100 min dollar pul xərcləyib. Polis mərhumun otağında narkotik vasitələr də aşkar edib. Məsələ ilə bağlı araşdırmalara başlanılıb.

Qeyd olunur ki, kişi öz boyfrendi ilə ayrılıqdan sonra yoxa çıxa bilərdi.

Xatırladaq ki, Castin Drü Biber kanadalı müğənni, aktyor və modeldir. Onun karyerası, video paylaşma saytı olan "YouTube"a qoyduğu videoların 2008-ci ildə Scoot Braun tərəfindən kəşf edilməsiylə başlamışdı.

Ölkə.Az