Hadisə Rza Zərraba görə onları məhkəməyə verdi

Türkiyəli müğənni Hadisə 3 proqram aparıcısını və televiziya proqramını məhkəməyə verib.

Ölkə.Az “SonDakika” qəzetinə istinadla xəbər verir ki, buna səbəb onların müğənninin Rza Zərrabla münasibətdə olduğunu iddia edərək onu təhqir etmələridir.

Belə ki, müğənni proqramın aparıcıları Bircan Bali, Seren Serengil, Arto kimi tanınan Harutyan Dalqa və televiziya proqramına qarşı 50 min lirəlik (təx. 4 282 azn) təzminat iddiası qaldırıb.

Onların jurnalist olmadıqları, həyatlarının heç bir mərhələsində maqazin müxbiri kimi fəaliyyət göstərmədikləri vurğulanır.

Hadisənin vəkili vəsatətində müttəhimlərin iki ildir müvəkkilinin şəxsi hüquqlarına xələl gətirdiyini bildirib.

"Bu məsələ ilə müğənninin cəmiyyətdəki reputasiyasına, brend dəyərinə xələl gətirməyə çalışırlar. Həmçinin bununla bağlı əllərində dəlillər olduğunu və bu dəlilləri ictimaiyyətlə paylaşacaqlarını bildirərək onu şantaj edirlər.

Onu "qalmaqallar kraliçası", "məşuqə", "vergidən yayınan" və bir çox başqa dəhşətli ləqəblərlə adlandırırlar”.

İstanbul Asliye Məhkəməsində keçirilən məhkəmədə iddiaçı Hadisənin vəkili və müttəhimlərin vəkilləri iştirak edib. 

Məhkəmə çatışmazlıqların aradan qaldırılması barədə qərar çıxararaq iclası təxirə salıb. 

Günay