Azərbaycanlı aktrisa ərindən boşandı

Azərbaycanlı aktrisa və model Minarə Allahverdiyeva həyat yoldaşı, türkiyəli prodüsser Kemal Cenk İçtendən ayrılıb

Ölkə.Az xəbər verir ki, bu barədə sosial şəbəkədə K.C.İçten özü yazıb:

"Çox dəyərli dostlar, artıq bu gündən sonra həyatımda yeniliklər və yeni bir səhifə açaraq davam edəcəm. Rica edirəm, kimsə mənə özəl həyatımla bağlı soğru-sual etməsin. Təqribən 18 ay bərabər keçirdiyim və canım qızım Məryəm Nur İçtənin anası ilə yollarımızı ayırmaq qərarına gəldik. Ona bir yerdə olduğumuz müddətdə yaşadığımız hər dəqiqə üçün çox-çox təşəkkür edirəm. Allah yeni həyatda ona hüzur, xoşbəxtlik, can sağlığı və uzun ömür versin".

Qeyd edək ki, Minarə Allahaverdiyeva bir neçə gün öncə mətbuata açıqlamasında prodüsserlə boşanma xəbərlərini təkzib etmişdi. Tanınmış cütlük ötən ilin fevralında ailə qurmuşdu.

İntiqam VALEHOĞLU
Ölkə.Az